O le Aso Gafua o lumana’i nei ua faamaonia o le a faatino ai se faatasiga, ma fesilafa’i ai le mamalu o tagatānuu Samoa ma le Konesula o Samoa i Niu Sila nei, le afioga Afemata Palusalue Faapo II.
Ua faamanino le tatala ai o le avanoa mo sui o Ekalesia, Mafutaga, o Faalapotopotoga ma soo se Samoa e fia auai.
O lenei faatasiga o le a auai ai ma sui o le Auckland Council e talanoaina faamanuiaga mo le itumalo.
O loo ta’ua ai foi le tuuina atu o se talosaga mo se nofoaga mo tagata Pasefika e fausia i le itumalo o Manurewa.
O lea fonotaga o le a faatino i Manurewa Sports Centre, Mountfort Park, 180 Weymouth Road i Manurewa mai le itula e 10AM – 12PM.
O le a faataunuuina ai ma le fonotaga a le FALIU LE LA mo tuaasinasina i le nofoaga lava lea e tasi mai le 12 aga’i i le 2 i le aoauli i le aso lava lea.
