Ua nofo sauni nei Niu Kaletonia mo faigāpalota a itumalo.
Ua faailoa i lipoti e tatau lava ona faataunuu ia palota a o le’i oo i le aso 28 o le masina o Iuni.
O le a faamautū ai loa sui o itumalo e 3 o le atunuu aemaise o sui o le Palemene atoa ai ma le latou Peresetene.
O le 2019 na gata ai le faiga o palota a le atunuu ma sa tatau ona faia i le 2024 peita’i e le’i oo ma ua faatolu ona tolopō.
E ui la e le’i mautū tonu le aso o le palota ae to’atele e manatu e i’u ina faataunuu i le aso 28 o Iuni.
Ma o loo faatalitalia e le to’atele faatonuga o le palota mai le Kapeneta a Farani e tatau ona amata faagasolo i le faai’uga o le masina fou o Me.
O le aso 9 o Iuni ua feta’ua’ina e faamuta ai le faauluina o suafa o sui faatutū ma amata ai campaign i le aso 15 o Iuni.
Puna o Faamatalaga: https://www.rnz.co.nz/news/pacific_new-caledonia/593811/new-caledonia-prepares-for-crucial-provincial-elections
