Na taofia mai e le vaega o tiute se tasi o pasese i le malae vaalele i Aukilani, ina ua maua lona aumai faananā ai o fuālaau faasāina o le ‘aisa, le methamphetamine i totonu o le atunuu.
E tusa ma faamatalaga mai se lipoti a le vaega o tiute, o lē ua aafia o se tagata faato’ā malaga mai lea i totonu o Niu Sila, ma sa malaga mai Vancouver i Kanata.
Na maua o ia ina ua faatino sa’ili’iliga a le vaega o tiute poo le customs i lana atopa’u.
O iloiloga na faatino i ona ofu sa maua ai vaega o le fuālaau faasāina; ma faailoa e oo atu lea i le 26 ofu na iai i le ato na faamauina ai le iai o ia fuālaau faasāina.
Faamaonia e le Faatonu o Tiute i le malae vaalele faavaomalo i Aukilani, Paul Williams ua molia nei le alii i lona aumaia i totonu o le atunuu o se fuālaau faasāina o loo i faatulagaga aupito i mata’utia ma ogaoga i le atunuu poo le vaega ua ta’ua o le Importation of a Class A controlled drug.
O le amataga o lenei vaiaso na tula’i ai i luma o le Faamasinoga Faaitumalo o Manukau.
Puna o Faamatalaga: https://www.facebook.com/share/p/1AciKaaZVq/
