Ua oo mai nei i tua faamaumauga fou o tulaga o fuainumera o faatulagaga o iai ta’ita’i o le malo ma le Itu Agai.
Ma ua faamauina ai le telē o se pa’ū ua iai nei le vaega faaupufai a le National, lea o loo tū mai i le faigāmalo.
I ripoti mai le leitio faavaomalo a Niu Sila, o loo faailoa ai e 30% ua faaitiitia ai le numera i tulaga o ē o loo lagolagoina le National.
Ua faamauina o se tulaga aupito i maualalo lea ua pa’ū ai le numera o le vaega faaupufai i lalo o le ta’ita’iga a le alii o Christopher Luxon
Ae ua faamauina le alu i luga o le numera poo le pasene o le lagolago i le vaega faaupufai a le Labour, ua 37 pasene ua maualuga atu ai i le National o se tulaga ua faaalia e ono seei mai ai ma isi o vaega faaupufai e pei o le Green Party, Te Pāti Māori, e tauaveina le malo pe afai ae faatino se faigāpalota i le taimi nei.
Ua atagia mai ai le tulaga o loo iai le faigāmalo ma le tele o matāupu ua fesiligia ai le ta’ita’iga a le National, ae faapea ai suiga ma feeseesea’iga i le tele o faipule ma ona tagata i nisi o matāupu, lea na teena ai e le Minisita sinia ia Chris Bishop faamatalaga i lona tapena ai o ia o le a seei mai o le ta’ita’i mo le National, ae o loo 100% lona lagolagoina o le alii Palemia o Christopher Luxon.
Faamauina i ripoti, o le a feiloa’i sui faipule uma o le National i se taimi o lenei vaiaso, ma o loo feta’ua’ina le ono iai o ni matāupu e matua’i tu’i fesili ai lava Luxon i lona ta’ita’iga ma le tulaga o iai le atunuu.
Puna o Faamatalaga: https://www.rnz.co.nz/news/political/592799/national-luxon-fall-in-latest-poll-coalition-trails-left-bloc
