O le Aso Lulu o lenei vaiaso ua faatāua ai e Samoa le aso faavaomalo ua faapitoa i le mala faalenatura o le mafui’e e pei ona ave iai e Malo Aufaatasi le ioega ma atofaina ai le aso 29 o Aperila i tausaga tatasi e fatāua ai lea aso.
O se aso e saga tapu’e ai le silafia o tagata uma i le tāua o le saogalemū ma le nofo sauniuni i taimi uma ona o le mafui’e o se mala faalenatura e faigatā ona iloa le taimi e sau ai, ae e ogaoga ona aafiaga pe a malosi.
I Samoa e pei ona faailoa i le upega tafa’ilagi a le ofisa o le vaaitau o se aso e tatau ona faia ai faalauiloa mo tagata ina ia silafia ai gaioiga uma o le saogalemū pe a oo ina tula’i mai se mafui’e.
O le 17 tausaga talu ai na lūlūina ai le Atu Samoa ma nisi o atunuu tuaoi i se mafui’e malosi na fano ai soifua o nisi, ae faaleagaina meatotino aogā ma tāua e pei o fale.
O se aso tāua foi lenei e tatou te manatua ai e uma ua maliliu ona o mafui’e.
