E mamafa timuga ua aafia ai Ueligitone aemaise i le ogatotonu o le aai ma ua folafola ai le aofia o lea faaitu o Niu Sila i se poloa’iga o faalavelave tutupu faafuase’i, state of emergency.
O loo faagasolo le sa’iliga o se alii mai Karori e talitonuina o loo misi a o iai lōlōga i le faaitu sa iai.
Ua faailoa foi e le vaaitau ua talafeagai ona aga’i ese tagata mai nofoaga maualalalo ma faaitu o loo lolovaia ma e tatau ona faatino lea tulaga i totonu o le 24 itula.
O faaitu e pei o Wairarapa, Tararua, Woodville ma Hutt Valley o loo lapata’ia i timuga mamafa ae fapena foi matagi malolosi i Ueligitone ma Marlborough Sounds.
Ua fautuaina ai le faaeteete o tagata ma māta’itū tala lata mai o uiga o le tau i lea faaitu o Niu Sila i le amataga o lenei vaiaso.
Puna o Faamatalaga: https://www.rnz.co.nz/news/weather/592805/live-weather-state-of-emergency-in-wellington-as-more-rain-arrives-after-floods-slips
