E tolu fautasi mai le lima pito i luga sa tausiniō i le sa’iliga siamupini o tuuga fautasi o aso fiafia o le fu’a a Tutuila ma Manu’a ia Aperila, o le a lē auai i tuuga fautasi o le faamanatuina o le 64 tausaga o le Tuto’atasi o Samoa i le masina fou o Iuni.
Ua faailoa i se lipoti a le vaega faasalalau o le Talanei i Amerika Samoa ua faamaonia o le a lē auai le fautasi na siamupini, le Manulele Tausala III, Fealofani Samoa, ma le fautasi o le Matāsaua mai le motusa poo Manu’atele.
O nisi o māfua’aga tāua o loo faailoa e Kapeteni ma sui o afio’aga e ana ia fautasi ua māfua ai a latou faai’uga e lē auai mai i fā’agatama i le tai o le tuto’atasi.
E 6 fautasi ua faamaonia mai e le Sui Komesina o leoleo o loo ta’ita’i i le soākomiti o tuuga vaa o le a sa’ilia le siamupini o tuuga fautasi i le masina fou.
