E to’atasi se tama’ita’i ua maliu ma se alii ua taofia e leoleo mai se faalavelave tau taavale i Brisbane i le taeao analeila.
Fai mai le 9News na tupu lea faalavelave i le te’a o le 6 i le taeao.
Fai mai e 2 taavale na feto’ai ae o le isi taavale o se taavale gaoi.
O le avetaavale o le isi taavale o se tama’ita’i e 60 tausaga le matua e ogaoga ona manu’aga ma na maliu ai lava i le nofoaga na tupu ai le faalavelave.
O le avetaavale o le taavale gaoi e 31 tausaga le matua, na sola ina ua tupu le faalavelave ae na toe maua e leoleo mulimuli ane.
O loo faia le su’esu’ega i le taimi nei ae ua maitauina le tele o soifua ua ma’umau i ituaiga faalavelave faapea.
Puna o Faamatalaga: https://www.9news.com.au/national/caboolture-brisbane-woodford-woman-dead-man-in-custody-stolen-car-crash/e5f54ca0-f80a-4844-8aad-b69d79691791
