O taaviliga o savili malolosi o le a aumaia timuga mamafa i vaega o South Island i se taimi o lenei aso; e oo atu i le 400 milimita le mamafa o le suāvai e ono pa’ū i nisi o itu o le motu.
I faamatalaga mai le leitio faavaomalo a Niu Sila, o loo tuuina mai ai fautuaga o le iai o itumalo o Tasman i le vaega lanu moli mo timuga mamafa.
O Mātū i Sisifo o Motueka, Buller, Westland and Fiordland ma Mātū o Doubtful Sound.
E oo atu foi i luga i le 400 milimita le mamafa o le suāvai timu e ono pa’ū i itumalo o Tasman.
Faamauina e ono oo atu lava le i le 20-30 milimita e pa’ū i le itula.
O Buller ma Westland o loo feta’ua’ina le ono oo atu i le 200 ma le 300 milimita suāvai timu e pa’ū ma e ono pāpā faititili ma emo malosi le uila.
Ta’ua e le vaega a le vaaitau, i le oo mai ai o nei faamaumauga ma tulaga o timuga mamafa, o lona uiga o le a telē le avanoa e siisii ai le tai ma le tatafe tele o vaitafe, ma e ono vaaia ai foi le aafia o le tele o faaitu i ni lōlōga o ni eleele solo ma oo lava i tulaga o le lē mafai ai ona feoa’i taavale.
Ua tuuina mai foi fautuaga o timuga mamafa mo Richmond ma Bryant ranges, Grey District, Canterbury and Otago headwaters.
Ua fautuaina foi le to’atele i matagi malolosi e ono molimauina le aafia ai o le South Island i le aga’i atu i le Aso Faraile ma le Aso Toonai.
Puna o Faamatalaga: ghttps://www.rnz.co.nz/news/weather/594387/heavy-rain-warnings-issued-for-south-island-s-west-with-more-severe-weather-possible
