Atonu foi o se toe fafagu ae o se faamanatu foi i mātua aemaise lava le itupa o tinā, i le tāua o le silasila toto’a ma siaki lelei soo se mea i totonu o maota ma laoa pe afai e iai ni fanauiti.
O le matāupu ua aafia ma koma ai si tamaitiiti pepe mai le Gold Coast ina ua ia mānavaina teuteuga o se keke, decorating dust.
O le faamatalaga a le tinā o le tamaitiiti i le 9News ua ta’ua ai, ua faasolo ina manuia si ana tama ma ua fiafia ua iai suiga lelei i lona malosi.
O le tinā o le pepe, Katie Robinson o se baker ma sa fai sana keke mo se aso fanau mo le tasi le tausaga i le vaiaso talu ai, ma o teuteuga o lana keke lea na mānavaina e si ana tama ma tula’i ai le faaletonu ina ua tale tale le tamaitiiti ma faateteleina ma ave ai loa i le falema’i.
Mulimuli ane faailoa i le tinā o mea teuteu ia o le keke o loo aofia ai ma le copper ma ua aafia māmā o si ana tama.
Puna o Faamatalaga: https://www.9news.com.au/national/gold-coast-toddlers-condition-improves-after-inhaling-cake-decorating-dust/b93266d3-98ea-49f2-b4b1-d656a20c7fdc
