E to’alua ni alii e aofia ai ma se ofisa o le Immigration a Peretania ua faamaonia moliaga i le faamasinoga i Lonetona ona o le sipai mo Hong Kong ma Saina ma sa taula’i a la gaioiga i tagata e una’ia le faatemokalasi o loo faamautū nei i Peretania.
Ta’ua e le CNN o Chung Bill Yuen e 65 tausaga le matua, ma Chi Leung Peter Wai e 40 tausaga le matua, o ia lea sa faigaluega i le Border Force a le United Kingdom, ua faamaonia o la moliaga i le fesoasoani i auaunaga faasipai i tagata e pei ona lipotia mai ia Tesema 2023 aga’i mai ia Me 2024.
Sa teena uma e i laua ia o la moliaga ma e tau fai sitiseni uma foi o Saina ma Peretania ae ua ta’ua ua tuua’ia e le ofisa o le amepasa o Saina i Lonetona le atunuu o Peretania ona o moliaga ua faia i le to’alua lea.
O i la’ua o ni tagata muamua ua faamaonia le sipai mo Saina i totonu o Peretania ma e ono oo atu i le 14 tausaga e falepuipui ai a o tālia le lauina o o la faasalaga.
Puna o Faamatalaga: https://edition.cnn.com/2026/05/07/europe/uk-china-hong-kong-spying-hnk-intl
