Ua fa‘alauiloa e le vaega a le Pacific Kids Learning lana ata tifaga, i lona vaega lona lua, Guardians of Tomorrow: Stories of Land, Sea, and Sky.
O se ata tifaga ua faamauina ua avea lea ma la‘asaga tāua i le puipuia ma le faaolaolaina lelei o gagana Pasefika.
E ta’ua i le ata tifaga na tuufaatasia o se animation ma e oo atu i le 90 minute lona umi, o lo‘o aofia ai tala mai aganu‘u e fitu o le Pasefika, ma o le 60 pasene o le fa‘amatala o lo‘o faia i gagana Pasefika, ma o lo‘o auala o loo fa‘aliliuina ai i le gagana Peretania.
O lenei fuafua na fa‘atonutonuina e Herman Aviu, ma e fa‘avae i luga o tala na tusia e nu‘u ma atina‘eina i lalo o le poloketi o le Mātala, e taula‘i i tulaga o feso‘ota‘iga i le si‘osi‘omaga fa‘apea ma suiga o le tau.
O se vaega tāua o le ata o lo‘o fa‘aalia ai le a‘afiaga o suiga o le tau i Tuvalu, e aofia ai le agai ese o tagata ona o tulaga ma’ale’ale ua iai le tau.
Na faia le fa‘aaliga muamua i Aukilani ma na auai ai le tusa ma le 300 o tagata. O le naunauta’iga ia saga faamausalī ai o tala mai nu‘u aemaise lava o le faaolaola pea o gagana ma aganu‘u mo tupulaga fai mai.
