O se alii ma se tama’ita’i ua molia i se matāupu e aofia ai fuālaau faasāina e oo atu i le $13 miliona lona tau feavea’i i le va o Niu Sa Uelese ma Vitoria.
O tala a le 9News ua lipotia ua ta’ua ai na mua’i su’esu’eina i le 2008 ina ua taofia e leoleo se taavale o le Toyota Prado i le itu i Mātū i Sasa’e o Vitoria.
Na maua i le su’esu’ega na faia i le taavale le 33 kilo o le ‘aisa o loo nanā mai totonu o le taavale.
O le alii e 22 tausaga ae o le tama’ita’i e 24 tausaga le matua e mai le itu i Saute i Sasa’e o Sini.
Ua taofia e leoleo ma e tutula’i i le asō i luma o le faamasinoga.
Puna o Faamatalaga: https://www.9news.com.au/national/man-and-woman-charged-over-alleged-13-million-dollar-drugs-haul/d9218445-0374-4c36-b198-326daac547c5
