Ua lipotia e le CNN faamatalaga e faapea o loo fono nei Trump ma lana ‘au e faatalanoa se fuafuaga ua tuuina ane mai ia Iran.
Ua ta’ua i le lipoti o lea fuafuaga e toe tatala ai le Strait of Hormuz ae o loo tālia muamua se faamatalaga mai ia Amerika.
Ua faailoa mai e sui o le Fale Pa’epa’e i le CNN e lē o fia faia se faamatalaga i le matāupu lenei ona o le ma’ale’ale ma e lē feutaga’i foi le malo tele aga’i i le aufaasalalau.
I lipoti a le BBC ua ta’ua ai le feiloa’iga a le Minisita o le Va i Fafo a Iran ma Putin i Lusia e faatatau i le taua.
I Lepanona o loo agiga mai ai pea lipoti o osofa’iga a Isaraelu lea fai mai na fasiotia ai tagata e to’a 14 i le faai’uga o le vaiaso.
O loo ta’ua foi e le militeli a Isaraelu na fasiotia foi se tasi o a latou fitafita i osofa’iga a le Hezbollah e faaaogā ai drones.
Fai mai nisi e leai se uiga o le maliega na faia e taofia ai fetauiga ae o loo faia pea osofa’iga a itu uma e lua.
Puna o Faamatalaga: https://edition.cnn.com/2026/04/27/world/live-news/iran-war-trump-israel
