O le faai’uga o le vaiaso nei e aga’i ai tagata Niue e faatino le latou palota a o laualuga ai i faatalanoaga ma popolega le matāupu e faatatau i le tau o le soifuaga i le atunuu.
Fai mai lipoti a le leitio faavaomalo a Niu Sila i le Pasefika o le tau o oloa, siitia o le tau o le penisini, le motusia soo o le eletise o nisi ia o popolega taatele o le aupalota.
Pe ā ma le itiiti ifo i le 1,700 le faitau aofa’i o le motu ae sili laitiiti i le 1,100 i latou e agavaa e palota.
E ta’i 3 tausaga ma fai a latou faigāpalota ma o le 2023 le palota mulimuli na faia.
O le Niue Assembly e 20 ona sui e aofia ai sui e to’aono common roll members ma sui e 14 mai aai poo nuu.
O sui la o le Niue Assembly latou te filifilia le Palemia ae filifili e le Palemia ana minisita e to’atolu o le Kapeneta.
O le Palemia o loo iai nei o Dalton Tagelagi o le a toe tauva i le palota e faatumau lona nofoa.
Puna o Faamatalaga: https://www.rnz.co.nz/news/pacific_niue/593567/niuean-voters-head-to-the-polls-saturday
