Ua faamanino mai nei, le ono faanofoesea o se tagata Niu Sila na i luga o le vaa la’upasese poo le meli na amata pepesi ai le vairusi o le Hantavirus, i lona taunuu mai ai i laufanua.
E iai talitonuga e to’atasi le tagata Niu Sila na i luga o le meli o le MV Hondius, lea o loo taula pea i ogasami o Sepania i le Canary Islands.
Talu ona alia’e mai lenei vairusi, ua to’atolu tagata ua maliliu, ma ua faailoa e le Matāgaluega o le Soifua Mālōlōina lo latou galulue soosoo tau’au ai ma le Faalapotopotoga o Soifua Mālōlōina o le Lalolagi (WHO) ma isi paaga faavaomalo, faapea le fesoasoani i matāupu e pei o le aumai o o tatou tagata poo repatriation efforts.
Ta’ua e le foma’i ia Dr Richard Jaine, e iai le talitonuga e lē o aafia se tagata Kiwi, ae o loo tepa taula’i lava fuafuaga i le saogalemu o le lautele, ma le tilotilo lava i auala e faia lelei ai siaki a o le’i ulufale mai i Niu Sila.
Ae i sa’ili’iliga a le WHO, o loo maualalo lava se avanoa e ono aafia ai Niu Sila.
Puna o Faamatalaga: https://www.rnz.co.nz/news/health/594773/nzers-on-cruise-with-hantavirus-outbreak-could-face-quarantine-on-return
