O le amataga o lenei masina na valaaulia faapitoa ai le Komesina Maualuga o Niu Sila i Samoa e le Matāgaluega o Faamasinoga ma le Faafoeina o Tulaga Tau Faamasinoga (Ministry of Justice, Administration & Courts) i le faalauiloaina aloa’ia o le tusi ta’iala a le Faamasinoga Faaitumalo – District Court Bench Book.
O se tusi ta’iala e limata’ita’iina ai le faatautaia o faamaumauga ma le faaaogāina o tulafono Samoa i totonu o potu Faamasino Faaitumalo.
O lenei tusi sa mafai ona tuufaatasia e tauala mai le fesoasoani a le New Zealand’s Pacific Justice Sector Programme – faatautaia e le The New Zealand Institute for Judicial Studies.
O se tasi o auaunaga o loo fesoasoani tele i sui o faamasinoga ma loia o loo i atunuu Pasefika e 15 i itu tau a’oa’oga ma alaga’oa.
Na auai atu iai le Faamasino Sili ma sui o le Faamasinoga Maualuga i lenei faatasiga tãua.
Puna o Faamatalaga: https://www.facebook.com/share/p/17F4csJ7FS/
