O le Aso Gafua o lenei vaiaso le aso 4 o Me na faailoa lautele ai e le ofisa o le komisi o faigāpalota le tusi faamaonia o le filifilia o le afioga Lautimuia Uelese Vaai o le sui usufono o le Palemene mo le itumalo palota o Vaimauga 3, ma ua saini ai le aao o le afioga i le Ao o le Malo le afioga Tuimalealiifano Vaaleto’a Sualauvi II.
O le tuuina mai faalaua’itele o le tusi faamaonia o le filifilia ua faia ina ua mae’a le faitauga aloa’ia o le taunuuga o le palota laitiiti a Vaimauga 3.
