O Ausetalia lea ua ta’ua i lipoti i le asō ua siitia maualuga ai le aofa’i o i latou e faaaogāina fuālaau faasāina ma ua faailoa i faamaumauga ua lisi faatasi Ausetalia ma isi atunuu e 34 e aupito maualuga ai le faaaogāina o le ‘aisa, fai mai o loo tulaga 2 ai Ausetalia i lea lisi.
Ua faailoa i lea lipoti e foliga ua faaluaina le numera o i latou e faaaogāina fuālaau faasāina i Ausetalia pe a faatusa i le 10 tausaga talu ai.
Fai mai i faatusatusaga i le taimi nei ma le 9 – 10 tausaga talu ai, ua maitauina ai se eseesega tele ma fai mai e ui ua maitauina le faaopoopo o le tau e faatau ai fuālaau faasāina, peita’i e lē o iai ni faailoga o le faaitiitia o lona faaaogāina.
O loo maualuga le faaaogāina i nuu maotua pe a faatusa i aai poo cities ma o Ausetalia i Sisifo o loo aupito maualuga ai le aofa’i o tagata e faaaogāina fuālaau faasāina.
Puna o Faamatalaga: https://www.9news.com.au/national/record-high-cocaine-meth-drugs-australian-criminal-intelligence-commission/691afd3d-e805-45a7-a271-1482f9d81ef8
