Ua faailoa e Donald Trump o le a matua’i saogalemū le Tupu o Peretania pe a faimalaga ane i Amerika.
Sa faia talanoaga a le Fale Pa’epa’e ma sui o le Buckingham Palace e faamautū ai le tulaga lea talu ai le faalavelave na tupu i le faai’uga o le vaiaso na osofa’i ai e se tagata le nofoaga na fai ai se sauniga na iai le Peresetene ma sui o le malo.
Ua faamaonia mai foi la e Peretania o le a faataunuu lava le faigāmalaga ma ua mae’a foi ona molimoli ane moomooga alofa o le Tupu o Salesa ma lana masiofo ia Trump ona o le faalavelave na tula’i mai.
Ua ta’ua e le BBC ua vaaia le faalelea ane o fu’a a Peretania ma Amerika i magāala i autafa o le Fale Pa’epa’e.
O lea faigāmalaga faalemalo e aofia ai sauniga i Uosigitone, Niu Ioka, Virginia ma e aofia ai foi ma se taumafataga a le malo e faia i le Fale Pa’epa’e.
Puna o Faamatalaga: https://www.bbc.com/news/articles/c4gjger58jzo
