Ua lagona foi e ofisa ma faalapotpotoga o foma’i e iai le tomai faapitoa mo le soifua malōlōina o le mafaufau, le tula’i mai o faafitauli o le pa’ū maualalo foi o le numera o foma’i e iai tomai faapitoa o lea matātā poo Psychiatrist i totonu o le atunuu. 

E pei ona lipotia, mai le masina o Setema 2022 aga’i i le tausaga e 2024 i le masina lava lea o Setema, ua faamauina ai le pa’ū o le numera o foma’i mai le 518 i le 497, o le eseesega e 21 foma’i ua aga’i ese mai lea matātā. 

Na ta’ua e le foma’i ia Dr. Heeni Tharpu mai le a’oga o le College of Psychiatrists, na ia faamatala ai o le tele o foma’i ua feagai ma faafitauli o le lē lava o le mālōlōga.

Ua faamauina foi o foma’i nei poo Psychiatrists e tele ina feagai ma faatinoina faai’uga lē faigofie ma le faigatā aemaise taimi e mafaufauina ai le te’a i tua o se ma’i, e aafia lona mafaufau, i tulaga o le saogalemu, aemaise lava pe a oo i tulaga o le lē lava o avanoa ma potu e nonofo ai ma taofia ai ma’i i falema’i mo le mafaufau.

Puna o Faamatalaga: https://www.newstalkzb.co.nz/news/national/crisis-point-dwindling-numbers-of-psychiatrists-in-overstretched-public-mental-health-system/