Ua taunuu i Saina le Palemia o Papua Niu Kini, James Marape ma le faamoemoe e una’ia fefaataua’iga ma sootaga tau pisinisi ma le itumalo o Guangdong.
Fai mai Marape i le RNZ o le itumalo lea i Saute o Saina o loo taula’i iai taumafaiga a Papua a o sa’ili se faalauteleina o ana maketi.
O le itumalo lea pe ā ma le 120 miliona tagata o loo aumau ai ma e tele falegaosi oloa o loo iai.
O Saina o loo tumau pea ona avea ma paaga aupito malosi a Papua i le itu tau fefaataua’iga ma ua faamaonia i tusitusiga mai le ofisa o Saina i Papua le lelei tele o sootaga o atunuu e lua i le itu tau fefaataua’iga.
O le aso a taeao e toe taliu ai Marape i fanua.
Puna o Faamatalaga: https://www.rnz.co.nz/news/pacific/593662/papua-new-guinea-pm-marape-arrives-in-china-to-strengthen-economic-links
