E to’alua ni alii Isaraelu na osofa’ia i le aoteatea i se faaitu i Mātū o Lonetona i le vaiaso nei ma ua faamatala e leoleo mai lea faaitu o se gaioiga faatupu faalavelave, terrorist incident, ma ua atili lu’itauina ai le komiuniti o tagata Iutaia i lea itu o le atunuu.
Fai mai le CNN e 45 tausaga o le alii na taumafai foi e tatui se leoleo se’i tulou ma sa pu’eina ona o le masalomia i le taumafai e fasioti se tagata.
Fai mai leoleo o lē na pu’eina o se alii Peretania na soifua ane i Somalia ma o loo taofia nei e leoleo.
O alii Iutaia e to’alua na aafia e 76 ma le 34 tausaga le matutua ma ua faasolo manuia i le falema’i.
O loo iai video o le taimi tonu na osofa’ia ai i la’ua nei, ae ua ta’ua foi o lē ua pu’eina e leoleo e iai ona tala’aga o amioga sauā ma aafiaga i le gasegase o le mafaufau.
O loo faaauau i le asō le su’esu’ega.
Puna o Faamatalaga: https://www.rnz.co.nz/news/top/593764/two-jewish-men-stabbed-in-london-police-treat-attack-as-terrorism
