O le Aso Tofi o le vaiaso nei i le Atu Solomona lea o le a usu ai le Palemene a le atunuu e iloilo ai le lafo o le lē faatuatuaina faasaga i le alii Palemia o Jeremiah Manele.
Faamaonia e le maota o le Palemene i le leitio faavaomalo a Niu Sila ua mae’a ona tuuina atu e le ofisa o le fono tusi i faipule uma o le fono o le a usuia i le 9.30 i le taeao.
O le tulaga lata mai lea o le matāupu a le Palemia ma isi sui o le Palemene lea na ave i le faamasinoga ma tuuina mai ai lana faai’uga i le vaiaso talu ai ua tatau ona valaau le fono a le Palemene, ma lē manuia ai ma le apili a le Palemia i le Faamasinoga o Apili.
Faailoa e le Komesina o leoleo, Ian Vaevaso e leai se itu e tu ai leoleo i le matāupu lea ma o le a faaauau pea foi le latou auaunaga mo le atunuu e pei ona masani ai i le itu tau le puipuiga.
Puna o Faamatalaga: https://www.rnz.co.nz/news/pacific/594356/manele-calls-parliament-for-thursday-to-face-no-confidence-motion
