O le finagalo o le itumalo o Vaimauga 3 e pei ona fulisia le lagolago a tagata palota e avea le sui sa tauva tuto’atasi ma o latou sui i le Palemene, ua faaalia e le afioga Lautimu’ia Uelese Vaai o se feau tāua o loo momoli mai ai mo ia, i lona toe tauave o le nofoa o le itumalo.
O lona tuto’atasi e faaauau i le paea’iga atoa auā o le finagalo lea o le itumalo na fautuaina ai o ia a o le’i faia le palota laitiiti ua toe tusi aao ai Vaimauga 3 ia te ia.
Le afioga Lautimu’ia Afoa Uelese Vaai o le faipule filifilia i le mae’a o le palota laitiiti a Vaimauga 3.
