Ua iai nei se vaega poo se team a leoleo ua filifilia e toe feagai ma le su’esu’eina o le faalavelave tau taavale na maliu ai le alii talavou o Tuuau Faasavalu ia Aperila o le tausaga e 2021.
O lea vaega o leoleo e pei ona faailoa e le Palemia i le fono masani ma tusitala i le Aso Lulu, o le a iai ma le leoleo mai Niu Sila e faufautua i le latou galuega.
E to’alima leoleo mai Aotearoa o le a galulue i le matāgaluega o leoleo ma falepuipui e faufautua i le faia o galuega i vaega eseese o le matāgaluega e aofia ai ma le su’esu’ega o le maliu o Tuuau lea ua 6 nei tausaga e le’i maua le taavale ma le tagata na aveina na māfua ai le faalavelave.
Le afioga i le Palemia susuga Laaulialemalietoa Leuatea Polataivao Fosi i sona finagalo i le feiloa’iga ma tusitala i le ogatotonu o lenei vaiaso.
