Fai mai le Malo o Fiti e leai se māfua’aga e ala ai ona folafola se poloa’iga mo faalavelave faafuase’i poo le state of emergency e faatatau i le matāupu i fuālaau faasāina.
O le vaiaso talu ai e pei ona ta’ua i lipoti a le leitio faavaomalo a Niu Sila, ma faailoa ai e le Palemia o Sitiveni Rambuka i le autusitala o loo iloilo e lana faigāmalo le gaioiga e fesoasoani ai e fesoota’i ma le vaega’au a le militeli a Fiti faatasi ma le vaega a leoleo ma ua amatalia auaunaga a le vaega o security forces i le atunuu atoa e taula’i lava i fuālaau faasāina ma gaioiga a kegi.
Peita’i la i lipoti lata mai ua ta’ua ai e se pepa o faamatalaga mai le malo o le a lē folafolaina se state of emergency mo le taimi nei.
Ua faamautinoa ane foi i le atunuu e lē o iai se tulaga e matua’i faapopoleina ai i le taimi nei.
Puna o Faamatalaga: https://www.rnz.co.nz/news/pacific/594200/fiji-rules-out-state-of-emergency-as-security-forces-ramp-up-drug-crackdown
