Ua faailoa e le Minisita o Tupe a le Marshall Islands poo le Atu Malesala e lē o iai se faamaoniga o ni uta o suāuu mo le atunuu mo le isi 2 masina.
E 90 aso lea na folafola e le faigāmalo a le Atu Malesala i se taimi e le’i mamao atu, ua taofia ai pea le atunuu i lalo o poloa’iga o faalavelave faafuase’i.
O le atunuu e faalagolago lava i afi kiso mo le 90 pasene o lana eletise.
O le iai la i lalo o poloa’iga o faalavelave faafuase’i e maua ai e le Malo le malosi’aga lautele e faaitiitia ai le faaaogāina o suāuu i auaunaga lautele.
Fai mai le minisita o loo faatalanoa pea le matāupu e faatatau i le toe mauaina ane o se fesoasoani.
O Tuvalu le isi atunuu ua folafola foi le iai i lalo o le State of Emergency ae o isi uma atunuu e pei o le Atu Solomona, Fiti, Nauru, Vanuatu, Atu Kuki ma le Federated Stated of Micronesia ua faailoa le faaitiitia o le faaaogāina o suāuu o loo totoe ai.
Puna o Faamatalaga: https://www.rnz.co.nz/news/pacific_marshall-islands/593232/we-are-at-the-mercy-of-the-market-marshall-islands-minister-warns-on-fuel-supply
