Ua faailoa e le faigāmalo a Niu Kaletonia i lipoti a le RNZ ua o latou taofia i le taimi nei fesoota’iga uma tau fefaataua’iga ma le atunuu o Vanuatu ina ua talimalo Vanuatu i le vaega a le FLNKS i Port Vila.
O lea vaega o le Kanak and Socialist National Liberation Front ma latou te lagolagoina le tuto’atasi o Niu Kaletonia.
O loo talimalo Vanuatu i ni talanoaga i lalo o le autū, VOICE 2030 e iloilo ai ni avanoa malolosi mo fesoota’iga tau fefaataua’iga ma le teritori a Farani o Niu Kaletonia.
Peitai la ua lē fiafia ai le faigāmalo a Niu Kaletonia ia Vanuatu ona o le fesoota’i fua ma le vaega a le FLNKS ma ua faalēaogāina ai loa ma galuega uma i le va o atunuu e lua.
Fai mai le malo o Niu Kaletonia e foliga e manatu le malo o Vanuatu e sili atu le talanoa i le FLNKS nai lo le malo.
Puna o Faamatalaga: https://www.rnz.co.nz/news/pacific_new-caledonia/594371/new-caledonia-suspends-trade-cooperation-with-vanuatu-over-flnks-meeting
