Ua faaleo le lē fiafia o le failautusi o le puipuiga a Amerika, Pete Hegseth i ē tetee i le taua i Iran ina ua faia se feiloa’iga faalekonekeresi i le asō.
Fai mai le CNN na saunoa ai Hegseth ma upuia le au faitulafono poo lawmakers e tetee i le taua, ua ia ta’ua o ni fili.
O le ulua’i feiloa’iga lea ua faia ai sana faamatalaga talu ona amata le taua ma ua faia tonu i se taimi o loo sa’ili ai e le Fale Pa’epa’e se vaegātupe pe ā ma le $1.5 tiliona mo le tala faatatau o le tupe mo le vaega o le puipuiga.
Sa lipotia atu ananafi i talafou le faatalanoaina e Trump ma lana vaega o le matāupu e faatatau i le poloka o le Strait of Hormuz mo ni nai masina pe afai e mana’omia.
Ua faailoa e le CNN e ono maua e Pakistan i le faai’uga o le vaiaso se isi fetuuna’iga o fuafuaga mai ia Iran ina ua mae’a fautuaina e Trump Iran ua tatau ona atamamai vave loa.
Ua lipotia foi sa faatalanoa e Trump ma Putin le maliega o le taofia o fetauiga o loo iai nei ma Iran i se talanoaga i le telefoni.
I Lepanona fai mai Isaraelu o loo soli lava e le Hezbollah aiaiga o le taofia o fetauiga, ma ua faaauau ai pea ona latou toe tali atu iai.
Puna o Faamatalaga: https://edition.cnn.com/2026/04/29/world/live-news/iran-war-peace-proposal-trump
