E ono faatau mai e Niu Sila ‘au’upega a Iapani i lalo o nisi o fetuuna’iga fou ua faia.
Ua faailoa i lipoti a le RNZ le faalauiloa e Iapani i le vaiaso nei o fesuia’iga o ana tulafono tau oloa e auina ese ma le atunuu ma ua aveesea ai nisi o sā na iai i le faatauina o ‘au’upega i atunuu e pei o Niu Sila.
O lea gaioiga ua faia e faamalosia ai le puipuiga a Iapani ma ia faaleleia ai foi sootaga ma isi atunuu i le Atu Asia, e talitali atu ai i le faatupula’ia pea o sootaga o Saina i le itulagi.
Fai mai le Palemia o Iapani, Sanae Takaichi i sana tusitusiga o i luga o le upega tafa’ilagi a le X, e leai lava se atunuu e mafai ona ia puipuia na o ia lona atunuu ma sona filemu, e ao lava ona iai ni ana paaga ma isi atunuu e fesoasoani ma lagolago e le tasi le isi i le itu tau le puipuiga.
Puna o Faamatalaga: https://www.rnz.co.nz/news/world/593100/new-zealand-could-buy-japanese-warships-missiles-under-export-overhaul
