Ua lapata’i mai le Palemia o Ausetalia o Anthony Albanese e ono faateteleina aafiaga lē lelei i le tulaga tau malosi’aga, energy crisis a o tulalata atu i le faamae’aina o le taimi o loo faaitiitia ai lafoga o loo tau maua ai se faamāmā avega i le tau o le penisini ma le suāuu.
Lipotia e le 9News faamatalaga a Albanese i le matāupu lea ma ia faailoa ai e lē ono aofia mai i le tala faatatau o le tupe i le vaiaso fou le iai ma le leai o se faaopoopoga o le umi e maua ai le faamāmā avega i le tau o le penisini ma le suāuu ona o le faaitiitiga o le lafoga i ia auaunaga.
Fai mai le alii Palemia e lē o mautū lava le tulaga o le a iai le atunuu i le matāupu lea ma na te iloa foi o loo malamalama iai tagata ona o tulaga o le taua.
Mo le taimi nei e i le va o le 20-30 sene i le lita o loo mafai ona faasaoina mai e le au faitaavale i le totogi o le penisini talu ona faaitiitia le tupe totogi, le fuel excise cost.
Puna o Faamatalaga: https://www.9news.com.au/national/federal-politics–albanese-warns-fuel-crisis-could-worsen-as-end-to-reduced-excise-looms/d9962dd4-4ad5-4ab5-855d-31255cd7fc5c
