Ua lipotia o le a aga’i ese mai le UAE poo le United Arab Emirates mai le Opec ma kulupu a le Opec Plus i le masina fou i le mae’a o le lata i le 60 tausaga o avea ma sui o lea faalapotopotoga.
Fai mai le UAE o lana faai’uga na faia o le a fesoasoani lea ina ia ausia mana’oga o loo faatupula’ia pea mo le eletise i se vaai mamao i le mae’a o inivesi sa faia e una’ia ai le aofa’i e mafai ona gafataulimaina.
E to’atele e lē o fiafia i lenei faai’uga ona fai mai a latou e foliga ua amata lava ona vaaia le i’uga o le Opec.
O loo ta’ua e le BBC o lea faai’uga o se tulaga lelei lea mo Trump ma lana faigāmalo lea sa o latou upuia le Opec i se taimi e le’i mamao atu ma ua ono faaleleia atili ai sootaga o Amerika ma le UAE.
Faailoa i tusitusiga o le agai ese o le United Arab Emirates o le a lusi ai foi ma le 15 pasene o le suāuu e mafai ona maua e le Opec aemaise o se tasi lea o ona sui tāua.
O le Opec na faatūina i le 1960 e atunuu e 5, Iran, Iraq, Kuwait, Saudi Arabia ma Venezuela.
Ua faaopoopo le aofa’i o ona sui i le taimi nei ma o le 1967 na auai ane ai le UAE ma afai e aga’i ese e totoe ai loa na o atunuu e 11 i lea faalapotopotoga.
Puna o Faamatalaga: https://www.bbc.com/nemws/articles/cj4pxwlr52yo
