Ua saunoa le Peresetene o Amerika, Donald Trump o le malaga o loo fuafua ane i Amerika a le Tupu o Peretania e ono fesoasoani i le faaleleia o sootaga o atunuu e lua.
Ina ua fesiligia i se faatalanoaga i luga o le telefoni e pei ona lipotia e le BBC na saunoa ai Trump ua leva ona la masani ma Tupu Salesa ma o se tagata lelei ma lototoa.
E fā aso o le faigāmalaga a Tupu Salesa ma lana masiofo o Camilla i Amerika i le vaiaso fou lea o le a mua’i feiloa’i ai i le Fale Pa’epa’e e feiloa’i ai ma le Peresetene.
A mae’a aso e 2 i Uosigitone ona faimalaga loa lea i Niu Ioka, Virginia ma Bermuda a o le’i toe foi i Peretania.
Fai mai o le faigāmalaga e faamanatu ai le 250 tausaga o le tuto’atasi o Amerika aemaise le faamanatuina o lona tulaga manuia, puipuigamalu ma lona talaaga.
Puna o Faamatalaga: https://www.bbc.com/news/articles/cx2wdegnzzjo
