O le siitaga e toeitiiti 6 pasene i totogi o foma’i e le’i leva ona amata, junior doctors i le Specialty Trainees Union mo le isi 2 tausaga ua faamautū ane e aunoa ma le faataunuuina o ni solo tetee.
E pei ona lipotia e le RNZ o le Specialty Trainees of NZ e tula’i mo foma’i ua faauuina a o le’i avea o ni foma’i faapitoa ma e faaigoa foi latou o Resident Medical Officers.
I le mae’a la o le 3 masina o feutana’iga ma le Te Whatu Ora, o lea ua faatulaga ai siitaga o totogi, e 2.5 pasene le siitaga i le tausaga muamua ma le isi 2.5 pasene i le tausaga 2 faatasi ai ma se totogi faapitoa e $3,000 latou te mauaina.
Saunoa le peresetene o le Iuni, Jordan Tewaiti Smith, o se manumalo tele lenei ona e leai ma ni solo tetee na tau faia.
Fai mai le Iuni o le galuega o loo faatino e i latou ia e tāua tele i soo se falema’i o loo galulue ai.
Puna o Faamatalaga: https://www.rnz.co.nz/news/political/593701/6-percent-pay-rise-agreed-for-junior-doctors
