O le tautua matavela a le afioga Gatoloaifa’ana Dr Tilianamua Toomata Afamasaga i le malo i ona tomai i le galuega faafaia’oga ma isi tautua sa ia faatino mo le malo ma le atunuu, na faatino ai ona toe sauniga i le faaaloalo maualuga a le malo sa ufi ai lona Sa i le tagāvai poo le fu’a o le malo tuto’atasi, ma tauave e le vasega o malu o le malo lona Sa i lona toe sauniga sa auai le afioga i le Ao o le Malo ma lana masiofo, o sui o le fono a sui tofia, ma le au mautofi o le malo.
O ona toe sauniga sa faafoe e le laulau o ta’ita’i o le Ekalesia Faapotopotoga Kerisiano Samoa ma le afioga i le Sui Palemia na feagai ma le molimau a le malo i le soifua tautua o lea tinā o le atunuu ua iloga ana galuega sa auauna ai i le malo ma lo tatou atunuu.
E tuumalo le afioga Gatoloaifa’ana Dr Tilianamua Toomata Afamasaga ua 78 tausaga o lona soifua.
