O sologā eleele i Aukilani ua afua ai ona aveesea faavave mai nisi mai le itu i Mātū o Aukilani ma le Coromandel a o aafia ai foi ia faaitu i timuga mamafa.
Fai mai le RNZ a itiiti mai pe 18 fale na aveesea mai ai tagata ina ua solo se vaega o Waiwera i le itu i Mātū o Aukilani.
O se sooupu a leoleo ua ia faailoa foi o sologā eleele na lipotia i le te’a o le ‘afa o le 6 i le taeao analeila e lata i Weranui Rd ma e 6 fale na aafia ai.
Ua faailoa foi e le NZTA NZ Transport Agency o isi auala ua tapunia se’ia toe iai se isi faaaliga.
O loo iai nei lapata’iga o timuga mamafa mo le itu i Saute o Kawakawa ma le itu i Mātū o Whangaparoa ae o loo lapata’ia foi timuga mamafa mo Northland.
Ua fautuaina foi vaitafe tetele i tāfega ae lē gata i lea o lōlōga faafuase’i e atili lamatia ai soifua.
Puna o Faamatalaga: https://www.rnz.co.nz/news/weather/593320/landslips-in-auckland-coromandel-homes-evacuated-amid-heavy-rain-warnings
