O loo masalomia o le pepesi o le Hantavirus infection i luga o se tasi o vaa tele o le cruise ship i le vasa Atalani ua maliliu ai tagata e to’atolu e aofia ai se ulugalii matutua, o se faamatalaga lea mai le Matāgaluega o le Soifua Mālōlōina a Aferika i Saute.
Faailoa e le WHO faalapotopotoga o le Soifua Mālōlōina o le Lalolagi, ua amata nei le su’esu’ega ae to’atasi le tagata ua faamaonia le aafia i le taimi nei ma o loo i le vaega tigāina i le falema’i ma o loo galulue le soifua mālōlōina i le aveesea mai o isi pasese e to’alua mai le vaa lava lea ina ua lipotia le aafia i āuga o lea vairusi.
Fai mai o le Hantavirus e maua i le tele o vaega o le lalolagi ma e feavea’i e isumu ma e ono aafia ai le mānava ma ogaoga foi aafiaga i māmā ma ta’ua foi e le CNN e mafai foi ona pepesi i le va o tagata.
O le vaa e pei ona lipotia o le MV Hondius na aga’i ese ma Argentina i le 3 vaiaso talu ai ma o isi nofoaga o loo fuafua e asia e aofia ai le Anetatika, Falklands Islands faapea le Canary Islands i Spain.
Ua faamauina e le Marine Traffic o le vaa lea o se cruise ship a Netherlands.
Puna o Faamatalaga: https://edition.cnn.com/2026/05/03/africa/atlantic-hantavirus-cruise-ship-dead-latam-intl
