Ua saunoa Trump e matua’i lē taliaina le tali atu a Iran i le fuafuaga na tuuina ane e Amerika ina ia faamuta ai le taua.
Ua faailoa e le CNN ua faaumiumi lava lenei matāupu ma e le’i ausia lava se maliega o se filemu i talanoaga o loo faaauau pea.
I Isaraelu ua faailoa e le Palemia o Benjamin Netanyahu e iai lava galuega e fia faia i le matāupu lenei o loo tutū faatasi ai ma Amerika faasaga ia Iran, ma faailoa ai e le’i tuua lava e Tehran le faaauau pea o galuega i ona nofoaga niukilia.
Ua lipotia foi sa faia se talanoaga a Netanyahu ma Trump i luga o le telefoni.
I le Strait of Hormuz ua lapata’i ane le militeli a Iran, o atunuu o loo faia a latou sā poo sanctions faasaga ia Iran, o le a iai faafitauli latou te fesaga’i pe a faaaogā e a latou vaa le Strait of Hormuz.
Ua maua foi isi lipoti e foliga e i’u lava ina faaletonu foi le maliega i le va o Isaraelu ma Lepanona na malilie ai e taofia fetauiga ona o lea o loo faaauau pea ona fetalia’i osofa’iga a Isaraelu ma le Hezbollah.
Puna o Faamatalaga: https://edition.cnn.com/2026/05/10/world/live-news/iran-war-news
