Ua afea Samoa i lenei vaiaso e le tama’ita’i o loo tauaveina le pale o le Tausala o le Kelope poo le Mis Global o le tausaga e 2025, i le faamoemoe o ia na te faapaleina le tausala o le Miss Global a Samoa i le po o le Aso Toonai nei.
O le kamupani telefoni o le Vodafone Samoa o loo lagolago malosi i lea tauvaga e pei ona sa avea ai nisi o tausala o le atunuu ma sui o Samoa i le tauvaga o le Miss Global i ni tausaga e le’i mamao tele atu lea sa maualuga ai le taumafaiga na oo iai le tama’ita’i o Heylanni Pearl Kurrupu ma Nicolina June Ah Kuoi.
E valusefulu atunuu o le lalolagi e auai i lea tauvaga tausala ma o le atunuu o Thailand o le a faia ai i le tausaga nei i le masina o Setema.
O le Manaia Events o loo faauluulu i le alii loia sinia le susuga Leiataualesā Jerry Brunt o loo feagai ma le tapenaina o le tauvaga e sa’ilia ai se tama’ita’i Samoa e avea ma tatou Miss Samoa Global mo le tauvaga tele o lenei tausaga 2026.
