Ua faamautū nei ua lē mafai ona auai fautasi uma e 5 i Amerika Samoa sa valaaulia e auai i fā’agatama i le tai o le faamanatuina o le 64 tausaga o le tuto’atasi o Samoa.
Ua faailoa lea tulaga e le ta’ita’i o le malo i le Palemia o ia o le ta’ita’ifono o le komiti autū o tapenaga mo lea aso faailoga o Samoa i le masina fou o Iuni.
E ui ina lē taunuu le masii i Apia o fautasi e lima pito i luga sa mautulaga i le tuuga fautasi o aso faailogaina o le fu’a a Amerika Samoa i le masina o Aperila, ae ua faaalia e le Palemia, susuga Laaulialemalietoa Leuatea Polataivao Fosi, e fai aso le Alii i se isi taimi i le lumana’i.
O fautasi o le Tamauli, Telefoni o le Vainuu ma le Sa o le afio’aga o Apia o le tolu lea mai le aofa’iga e 6 o fautasi o le a sa’ilia le siamupini o tuugavaa o le Sisigafu’a i le masina fou.
