Ua faamaonia mai e leoleo a Ausetalia, le Australian Federal Police o nisi o sui o le kulupu e iai sootaga i le ISIS lea o le a toe foi mai i le atunuu o le a pu’eina e leoleo pe a taunuu mai.
O le saunoaga a le minisita o le Home Affairs, Tony Burke i Canberra ua faailoa ai lea tulaga ma ta’ua ai o le kulupu lea ua fuafua e malaga mai Suria i Ausetalia ma e iai sui o i latou ia o le a pu’eina ma molia pe a tuvae mai.
Na ia ta’ua o le a fua lava i faamaumauga e aoina e le ausu’esu’e ua silia nei ma le 10 tausaga o faia le latou su’esu’ega.
O lea kulupu e aofia ai tama’ita’i ma tamaiti ma ua talitonuina o le a toe foi mai i faigāmalaga e faataunuu mai i Sini ma Melepone amata atu i le aso a taeao.
Fai mai o tamaiti o loo aofia mai i le aumalaga o le a aofia i polokalame faalekomiuniti ma polokalame e faatatau i sauāga.
Ua faamanino foi e le minisita e leai se fesoasoani e tuuina atu e le malo ia i latou ia, o i latou nei na latou filifili e auai i se faalapotopotoga faatupu faalavelave ma tuuina ai a latou fanau i tulaga e faigatā ona faamatala.
Puna o Faamatalaga: https://www.9news.com.au/national/isis-brides-return-australia/ae0c5676-c9ec-46e2-9d27-dfce7e46db01
