Ua faaali le faanoanoa tele o le Komesina mo Fanauiti (Children’s Commissioner) i le oo mai ai o faamatalaga i se matāupu, na lē mafai ai e se teineitiiti ona oso i luga o le pasi pe ulufale atu, talu ai ua galo lona pasese.
Faamanino e le Komesina, e matua’i lē talafeagai lava gaioiga ma le faai’uga a avepasi na fai i sia teineitiiti.
O lenei matāupu na māua ina ua faailoa e se tinā matua le aafiaga o si ana tama, o si ona granddughter, lea na ia faamatala le mā ma le tagi atu ia te ia ina ua tupu lenei faafitauli.
I le faamatalaga o lenei matāupu e faapea, ina ua oo atu le teineitiiti i le itu e oso ai i luga o le pasi ae faato’ā ia manatua ua galo lana atotupe (wallet), ma e 20 minute le mamao o le fale faatalipasi ma lona fale, ma e itula atoa e savali ai i le a’oga pe a misi le pasi.
O lea na taumafai ai lea teineitiiti e oso i luga o le pasi, ae le’i talia e le avepasi.
Faamatala e le tinā matua, o lona faanoanoaga ona e lua lelei pasi na taumafai atu iai si ana tama ae le’i talia lava.
O lē ua aafia o se teineitiiti e 11 tausaga le matua, ma na ta’ua e si ona tinā poo lona grandmother, e na o le pau lava le mea na mana’o ai si ana tama o le fia vave oo i le a’oga, ae pagā lea e leai ma se isi na fesoasoani.
Ma o lea ua faamanino e le Komesina mo Fanauiti (Children’s Commissioner), o Claire Achmad, le lē sa’o tele o le mea na tupu i le teineitiiti.
Faaopoopo mai Claire, e lē tatau lava ona oo se tamaitiiti i nei ituaiga faiga.
Faamanino o lea ua faailoa le tali mai a le Auckland Transport i so latou lape, ae na ta’ua e Claire Achmad e lē tatau lava ona toe tupu mai lea faafitauli.
Ua faamanino mai e le Auckland Transport, o lea ua mae’a faafesoota’i atu nei i le vaega o le Kinetic o loo faatulagaina pasi ina ia māta’itūina lelei vaega nei.
Ta’ua e le Komesina mo Fanauiti, Claire Achmad, o lona faafetai o lea ua tali mai le Auckland Transport e tusa ai ma le faaletonu, ma e ui ua tali ma ioeina so latou sesē, ae e lē o se vaaiga lelei lea mo i latou, ma foliga vaaia o loo ta’u atu i le mamalu lautele.
E tatau ai ona taga’i lelei ina ia ‘alofia le toe tula’i mai o se mea faapea, aemaise o se tamaitiiti laitiiti.
E ao i avepasi ona ‘aua ne’i tuua se tamaitiiti a’oga, aemaise lava a o taumafai e aga’i i le a’oga; e ia i latou foi le matāfaioi o le puipuimalu i fanauiti mai ni aafiaga e ono lamatia ai o latou ola.
I ripoti a le leitio faavaomalo a Niu Sila na faailoa ai e le Kinetic o lea ua amata a latou sa’ili’iliga i le mea na tupu.
Puna o Faamatalaga: https://www.rnz.co.nz/news/community/594796/buses-refusing-to-take-child-not-acceptable-children-s-commissioner-says
