O se teineitiiti e na o le 6 tausaga le isi e to’alua iai tagata ua maliliu i le afi na sasao ane i se fale i Sini a o le isi tamaitiiti o loo tigaina i le falema’i.
Fai mai le 9News poo le te’a o le 12 i le vaveao analeila na aga’i atu ai le fesoasoani faavavave i le fale lea i St John Rd i Heckenberg lea na sasao ane ai le afi.
Fai mai le lipoti o totonu o le fale na maua iai tino maliliu o si teineitiiti lea 6 tausaga ma le tamaitai e 46 tausaga le matua ma o loo tālia faamaoniga aloa’ia.
Fai mai e to’avalu isi tagata, e aofia ai tamaiti e to’afā ma tagata matutua e to’afā sa iai i totonu o le fale i le taimi na mu ai, ma sa mafai ona aga’i ese mai i fafo e le’i afaina.
O loo faia nei le su’esu’ega i lenei faalavelave ae iai isi lipoti ua ta’ua ai o i la’ua ua maliliu o se tinā ma lana tama teine.
Puna o Faamatalaga: https://www.9news.com.au/national/child-woman-die-in-sydney-house-fire-heckenberg/21bd3c9a-056f-48b2-8ab2-d13892b4a052
