Ua faate’ia le to’atele i le sau o le tala ua faamavae le kovana o le faletupe tutotonu e aunoa ma se famalamalamaga o le mafua’aga.
O le aso 31 o le masina lenei lea ua faailoa mai e aloa’ia ai le faamavaega a le Kovana, ma o lea ua vave faamavae toe 3 tausaga uma lana konekarate o loo iai nei.
O Adian Orr lea foi ua ave ma ona aso mālōlō i le taimi nei lava, ma e lē toe foi mai i lana galuega.
O le taimi lava na sau ai le faasilasilaga lenei ananafi i le aoauli, na aloa’ia ai foi ma le sui tulaga o le sui kovana ia Christian Hawkesby e faaauauina tiute o le Kovana.
E le’i manuia taumafaiga a tusitala ananafi e fesiligia le minisita o tupe, Nicola Willis faapea isi sui o le maota i le mafua’aga o le vave faamavae o Orr.
Ae mai le faatonu o le Komiti Faafoe o le faletupe i le po anapo, ua faamavae Orr ona o nisi o ana ia lava fuafuaga.
Puna o Faamatalaga: Reserve Bank Governor Adrian Orr has resigned – but no one’s saying why | Stuff
