Ua faamatuu mai e le vaega faaupufai a le Green le aotelega o le faai’uga o le suesuega sa faatino tutoatasi i gaioiga a le faipule sa iai o Darleen Tana.
Ua faatino lea gaioiga a le pati i le mae’a o le 12 aso o le latou fonotaga na malilie autasi ai ua alagatatau ona faamavae Tana mai le Palemene ona o le i’uga o lea suesuega.
Sa faaauau pea ona teena e Tana lona faia o se gaioiga sese i le mataupu lenei ma ua faamamao ese ma le faafoeina o galuega i aso taitasi i le pisinisi a lana paaga talu ona alia’e tuua’iga.
Peitai o le i’uga o le suesuega e pei ona faatino e le loia o Rachel Burt o loo ta’ua ai o Tana ma lona toalua o co-founders ia o le pisinisi ina ua o la faatauina.
O le i’uga foi o le suesuega o loo ta’ua ai sa faigaluega Tana i le pisinisi i le feagai ma paaga poo tagata faatau ma o ia foi sa faatinoina le tele o galuega i le faia o totogi, konekarate, feutana’iga ma suppliers faapea ma accounts a le pisinisi.
I le faalauiloaina o le i’uga o lea suesuega na faailoa ai e le isi ta’ita’i o le Green, Chlöe Swarbrick e maumaua’i le pati i tulaga sa’o ma silafia lautele.
Puna o Faamatalaga: https://www.1news.co.nz/2024/07/17/green-party-releases-summary-of-darleen-tana-investigation
