E ono le mafai ona ulufale mai I Niu Sila I latou e leai ni tusifolau o tui o le Koviti
O le saunoaga lea a le minisita o le Koviti, Chris Hipkins I se faatalanoaga ma le Newshub
O le tusi folau lenei ua faaataata mai e le minisita e faaaoga mo femalagaiga faavaomalo lea o le a maua uma ai faamaumauga e iloa ai le faia ma le le faia o sou tui o le Koviti
O lea o loo faagasolo le faatalanoaga o lea mataupu I le taimi nei, ma ua saunoa ai Hipkins, e le mafai ona teena tagata sitiseni Niu Sila ulufale mai e leai ni o latou tusifolau nei mo tui poo le vaccine passport, peitai o loo maualuga le mafai e teena ai tagata asiasi mai e omai e leai ni tusifolau
O le tusifolau lenei na faailoa mai e le minisita e ono aloaia I le faaiuga o le tausaga nei, ma o ni faamaumauga o le a faaaogaina I feoaiga faavaomalo
