O le pati ua faaigoaina o le Kurdistan Workers Party poo le PKK ua o latou faailoa le taofia nei loa o fetauiga, ua lua aso talu ona valaau lo latou ta’ita’i o loo falepuipui o Abdullah Ocalan i le autau e faataatia ese a latou a’upega ma faatā’ape lea kulupu.
Ua ta’ua e le CNN afai ae taliaina e Take poo Turkey, o lona uiga o lea faaaliga o le a faamuta ai loa ma vevesi mai le tele o tausaga ua tuana’i i se mataupu pe ā ma le 40 afe tagata ua fasiotia ai i tuaoi o lea atunuu ma isi atunuu lalata ane.
Fai mai le komiti a le PKK ua o latou malilie i le valaau mai le latou ta’ita’i ma o le a faatino uma ia tulaga.
Toeitiiti 50 tausaga o faia pea le taua lea i le va o Take ma le PKK lea e ta’ita’i ai Ocalan ma o le 1999 na pu’eina ai Ocalan i Kenya e leoleo a Take na fesoasoani iai le CIA ma faasala ai i le falepuipui mo le olaga atoa i moliaga o le faalataina o le atunuu.
O lea la ua taunuu le mataupu i se suiga e lē taumate o le a fiafia uma iai itu e lua i le mae’a o le tele o tausaga o vesiga.
Puna o Faamatalaga: https://edition.cnn.com/2025/03/01/europe/kurds-turkey-pkk-ceasefire-hnk-intl/index.html
