O loo i se tulaga tigāina se tagata i le falema’i, māua i faamatalaga na aafia ina ua so’a o ia e se taavale poo se van i Red Beach, i le itu i Mātū o Aukilani i le po anapo o le Aso Lulu lea.
Faamauina na valaau ane le Auaunaga o Faalavelave Faafuase’i i le auala Whangaparaoa Rd poo le itula e 9 i le po anapo.
Ma e lua taavale a le falema’i poo ambulances a le Hato Hone St John na aga’i atu iai, ma e ta’ua o le tasi o tagata na aafia na faanatinati ona avatu i le falema’i i Aukilani, ma e fai lava sina tūgā o manu’aga.
I ata mai le nofoaga na tupu ai le faalavelave, o loo faaalia ai o se van pa’epa’e o loo iai se vaega o le pito o le taavale i le pito i luma o loo leaga ma ua ta’e le tioata pito i luma ma omo le tapuni o le afi.
Na mafai ona aveese le taavale mai lea nofoaga, ae toe tatala le auala poo le aga’i atu i le vaeluaga o le po.
O loo tālia nei se faamatalaga mai leoleo e tusa ai ma lenei faalavelave.
Puna o Faamatalaga: https://www.nzherald.co.nz/nz/auckland/person-critical-after-crash-involving-van-in-red-beach-north-auckland/QUE6O5JOEZA73ADLFPMEZ3I3LI/
