E foliga mai e le o agai I se tulaga lelei feutanaiga a le pulega a St John ma ona tagata faigaluega
O lea ua faailoa mai o le aso Lulu ma le Aso Toonai o le vaiaso fou o le a toe solo tetee ai tagata faigaluega a St John aofia ai ma I latou e feoai I ambulance
Faamaonia mai e se tasi iuni o loo tum o isi tagata faigaleuga, First Union, e le o fia minoi le pulega I maliega tusitusia ua fofola atu iai I le maea o le solo tetee talu ai
O nei tagata faigaluega ua le fiafia I le le savali o le pulega I siitaga o totogi na ioeina I le tausaga ua mavae, lea ua tali ai le pulega ua taugata tele ma ua le gafatia nei
I se pepa o faamatalaga mai le matagaluega a le soifua maloloina, o le a iai se fesoasoani a le malo mo St John, peitai e le o mautinoa pe fia ae o a foi tuutuuga.
Mai I le sui pule sili o le St John, Sue Steena I luga o le leitio NZ, o loo faaauau pea feutanaiga ma iuni e toatolu o loo tutu mo le au faigaluega
O solo tetee ua fuafua mo le vaiaso fou, e ta’I 24 itula le umi
